ازاى تبقى رزل فى المواصلات

لو راكب فى باص أو ميكروباص وجنبك حد نايم اوعى تسيبه نايم

كل شوية اقعد قول وصلنا عشان يصحى مخضوض لو عمل اهبل صحيه

وقوله مش انت نازل هنا بيتهيألى

لو مش نايم متسيبوش فى حاله برضه عيب عليك متجيش

ركز على سؤال واقعد اسألهوله كل شوية زى أنت نازل فين طب انت دفعت ولا لأ

لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد

أو قوله ماتنزل من الشباك

لو انت فى أتوبيس وقاعد على كرسى وجنبك ناس واقفة استمتع بقى

وخدك وقتك

اتمطع بقى وقول ياسلام على الراحة الواحد مكنش عارف هيعمل أيه لو

مش قاعد

لو العكس بقى اقعد اسأل كل واحد انت نازل فين واقعد قول بصوت

عالى

ياجماعة محدش نازل قريب أصل انا عايز اقعد طول مانت واقف قول كده

لحد مايقعدوك

لما الكمسرى يجى ياخد منك الاجرة اسأله على تمن كذا مكان

يعنى قوله هو لغاية الحتة الفلانية بكام طب لغاية الحتة دى بكام

اسأل على تمن كل الاماكن اللى تعرفها لحد مايقولك ياعم خلصنى رايح

فين

قوله مانا عشان ابقى عارف بس وتقل فى العيار يمكن يسيبك ويمشى

لما يدى حد تذكرة قوله ورينى كده لو سمحت واقعد اتأمل فيها

لحد ما صاحبها يزهق ويشدها منك

فى مفتش بقى ساعات بيطلع يفتش على التذاكر وبيطلع على السريع

كده وينزل

أنت بقى اوعى تديهاله علطول كده أزعل منك والله

دور عليها ساعة حط ايدك فى جيوبك مية مرة هيقولك خلص يا استاذ

قوله ثوانى كانت معايا والله

واقلع الجذمة ودور فيها وفى الاخر طلعها من بوقك بعد مايكون هو مات

من الملل وقوله مش قولتلك

كفاية كده بقى حرام المفروض تنزل قبل الناس ماتموت منك

أستنى رايح فين أنت نازل عادى كده ولا كأنك رذل ولا حاجة

وأنت نازل هيبقى فى ناس واقفة أعمل نفسك مش عارف تعدى

وحاول تجاهد على قد ماتقدر وتضيع الوقت اللى تقدر عليه

لحد الناس ماتشيلك وترميك بعد ماتكون جبتلهم السكر ورفعت ضغطتهم
ازاى تبقى رزل فى المواصلات 147

تحيــــــــــــــــــــــــــــاتي ليكم

منقووول

هو المنتدى نايم كده ليه يا جماعه فين التفاعل

هههههههههههههههههههههههههههههههههههههههههههههههه

روووووووووووووووعه والله يا هاله

تسلم اديي على الحاجات الجميله دي

جامده على فكرة انا كده فعلا

هههههههههههههههههه
بحب الرزالة اكثر من الحمة

السلام عليكم.............الله يهديك..... علم الناس الأشياء المفيدة وليس الأشياء الضارة لأنو ربك رح يحاسبك عنك و عن كل شخص بنفذ نصائحك

الكلام ده للهزار والضحك فقط وليس نصيحه ومظنش ان فى حد عاقل ممكن ياخد الكلام ده وينفذه
وشكرا لمرورك

كلام مسلم صح والدليل ان امير قالك انا كدا يعنى اتشجع
شجعتيه على كدا

لو تلاحظى امير قال ان هو بيعمل كده من نفسه
بس مقلش انا هعمل كده عشا ن هو قرأ الموضوع وعجبته التصرفات
واكيد انا مش مسئوله ان امير شخصيته متطابقه مع الموضوع
وبعدين عشان نفصل الموضوع يا جماعه كل واحد يفكر مع نفسه ويقول لو هو ممكن ينفز الكلام ده ولا هو وخده على سبيل الضحك والهزاار
ارجو الرد ضروورى
وانا عن نفسى لو لقيت ان كلام مسلم صح اكيد ومن غير تفكير هطلب مسح الموضوع
تحياتى ليكى وشكرا على رئيك

على فكره انا عارفه انه هزار بس فى ناس ممكن تعمل كدا وانا ملاحظه رد امير بس اقصد انه ضحك يعنى فرح بكدا يعنى معناه اتبسط فى ناس ممكن تعمل زيه مكنش قصدى حاجه تانيه وعلى العموم ان شاء الله هيكون بالنسبه لكله هزار وانا بجد بااشكرك على مواضيعك الجميله

اولا انا رديت عادى يعنى كنت بهزر مش قصدى اى حاجه ياجماعه ده موضوع عادى
وبعدين دى حجات ممكن تفيدك انك تعرف ان الى جنبك ده رزل ولا لا فتعرف تتعامل معاه
لكن انا طبعا مش كده مش اى حد بيكون كده ولا يعمل كد غير لما يكون عنده نقص وعايز يكمله انتو ياجماعه خلتو ردى مشكله ليه
انا فاهم ان الكلام مش على ردى بس انا من رأى المتواضع انه موضوع عادى وهو فعلا عجبنى لانى شايف انى استفدت منه مش بس موضوع ظريق
واحب اشكر كل الموجودين واشكر هاله على الموضوع مرة تانيه

» شوفو كل راجل هيدعل مراته ازاى حسب شغله
» لما تبقى متغاظ من واحد ومش طايقه قلو الكام نكته دول